طريقة عمل المكرونة بالبشاميل بالحمة المفرومة
المقادير
- نص مكرونة فرن
- 3 بصلة كبيرة متقطع صغير
- نص لحمه مفرومه
- ملح وفلفل اسود
- كيلو لبن
- 5 معالق كبيرة دقيق
- 5 معالق سمنة او زبدة
- شوربة مرقة
- جبنة موتزاريلا
( الطريقة)
- نشوح البصل مع شوية زيت لغاية ما يدبل وبعدين ننزل باللحمه المفرومه وهنقلبهم كويس ونحط الملح والفلفل الاسود ولو حابين تزودو حاجه من البهارات مفيش مشكله ومعلقه صلصة على حسب الرغبة
- هنسلق المكرونة _ مياة مع معلقة زيت ونصف معلقة صغيرة ملح
- طريقة عمل البشاميل
- نسيح السمنة ونضيف عليه الدقيق نقلبهم كويس لمدة دقيقتين نضيف اللبن يفضل لبن كامل الدسم ونضربهم كويس بالمضرب وننزل بمعلقة كبيرة من القشطة وملح وفلفل اسود او ابيض واول ما تتقل نضيف عليهم شوربة المرقة لغاية ما قوام البشاميل يتظبط ونطفى عليه
- نجيب صينية حجم وسط هناخد شوية من البشاميل نحطهم فى الصينيه ونحط نصف كمية المكرونة
- نضيف اللحمه ونوزعها كويس فى الصينيه نضيف شوية من الموتزريلا على اللحمه وممكن اضافة زيتون اسود على حسب الرغبة
- نضيف باقى المكرونة والبشاميل
- ثم يتم اضافة الموتزاريلا على وش الصينية
- وندخلها الفرن لمدة نصف ساعه تقريبا .
ملحوظة : ممكن اضافة شرائح جبنة شيدر او رومى حسب الرغبة
لمتابعة المزيد تابعونا على اليويتيوب قناة بيت الهنا _ صفحة البرنامج على الفيس بوك
تمت كتابة هذه المقالة بكل حب وعناية واهتمام 💗 ليقدم أحدث المعلومات وأكثرها
تكاملاً لقرائنا الأعزاء حتى يكون مفيداً بكل معنى الكلمة نتمنى ان تنال اعجابكم
بيت الهنا كل ما يخص البيت والمرأه